Sabunçu rayonunda kişini bel ilə döyərək öldürən şəxsin məhkəməsi başlayır. Bu haqda 14 may tarixində Report məlumat verib.
Bakıxanov qəsəbəsində cari ilin yanvar ayında 42 yaşlı Ramin Atakişiyev övladını görmək üçün keçmiş həyat yoldaşı ilə görüş təyin edib. Lakin Atakişiyevi keçmiş həyat yoldaşı ilə qeyri-rəsmi nikahda yaşayan Əbülfərz Məhərrəmov qarşılayıb və onu küt alətlə döyüb.
Ağır xəsarətlər alan Atakişiyev koma vəziyyətində xəstəxanaya yerləşdirilib, lakin həkimlərin səylərinə baxmayaraq, onun həyatını xilas etmək mümkün olmayıb.
Faktla bağlı Məhərrəmov saxlanılıb və ona qarşı Cinayət Məcəlləsinin “Qəsdən sağlamlığa zərər vurma, zərərçəkmiş şəxsin ölümünə səbəb olduqda” maddəsi ilə cinayət işi açılıb. Cinayət işi baxılması üçün Bakı Ağır Cinayətlər Məhkəməsinə göndərilib.
