Bakıda həyat yoldaşını qətlə yetirməkdə təqsirləndirilən şəxsin cinayət işi üzrə məhkəmə iclası keçirilib. Bu haqda 14 aprel tarixində Bakuplus.az Report-a istinadən xəbər verir.
Sabunçu rayonu, Pirşağı qəsəbəsində ötən ilin noyabr ayında 32 yaşlı Şəhriyar Ələsgərov həyat yoldaşı, 24 yaşlı Ləman Ələsgərovanı xəyanətə görə bıçaqlayaraq qətlə yetirib.
"Usta idim. Uşaqlarıma özüm baxırdım. Ləman tez-tez evdən gedirdi. O, sərbəst yaşamaq istəyirdi. Ləmanın xəyanətlərini çox tutmuşdum. Ona mane olmamaq üçün suyuma narkotik atıb məni tutdurmaq istəyirdi. Sonra onu xəyanət etdiyinə görə öldürdüm. Mən narkotik istifadəçisi olmamışam. Ona neçə bıçaq zərbəsi vurduğum yadımda deyil", - deyə Ələsgərov bildirib.
Faktla bağlı Cinayət Məcəlləsinin “Qəsdən adam öldürmə” maddəsi ilə cinayət işi başlanılıb.
