Bakı sakini Şabran İcra Hakimiyyətinin komendantını vurub. Bu haqda 27 dekabr tarixində APA xəbər verib.
Bakı-Quba yolunun 126-cı km-də Yasamal rayon sakini Leyla Məmmədova idarə etdiyi “Jeep” markalı avtomobil ilə Şabran rayonu, Dəvəçi kənd sakini 44 yaşlı Səbuhi Bayramovu vurub. Ağır bədən xəsarətləri alan piyada ilkin tibbi yardımdan sonra Bakıya aparılıb və xəstəxanaların birinə yerləşdirilib.
Məlum olub ki, Səbuhi Bayramov Şabran Rayon İcra Hakimiyyətinin komendantı vəzifəsində çalışır.