Bakıda zəncirvari qəza baş verib. Bu haqda 30 iyun tarixində APA məlumat verib.
Əsəd Əhmədov küçəsində “Daewoo” markalı minik avtomobilinin sürücüsü Abbas Mirzə Şərifzadə küçəsi istiqamətində ötmə manevri edən zaman “Toyota” markalı maşınla toqquşub. Yolda nəqliyyatın hərəkəti sıx olduğundan, başqa “Daewoo Ravon” markalı maşın ərazidə olan digər “Toyota” markalı avtomobilə çırpılıb.
Qəza zamanı 2 nəfər xəsarət alıb. Hadisə yerinə Yasamal Rayon Polis İdarəsinin əməkdaşları və təcili yardım briqadası cəlb olunub. Ərazidə tıxac yaranıb, avtomobillər evakuasiya edilib.
Faktla bağlı araşdırma aparılır.
