Yasamal polisi narkotik dövriyyəsi ilə məşğul olan şəxslərin saxlanılması istiqamətində əməliyyat keçirib. Bu haqda 3 iyun tarixində Bakuplus.az Daxili İşIər Nazirliyinə istinadən xəbər verir.
Yasamal rayonunda may ayı ərzində polis əməkdaşları tərəfindən keçirilən əməliyyatlar zamanı narkotiklərin qanunsuz dövriyyəsi ilə məşğul olan ümumilikdə 45 nəfər saxlanılıb. Bu şəxslərdən 40 nəfəri barəsində məhkəmə tərəfindən həbs, 5-i haqqında isə polisin nəzarəti altına vermə və digər növdən olan qətimkan tədbirləri seçilib. Onlardan ümumilikdə 30 kiloqram 500 qram heroin, marixuana, tiryək və psixotrop maddə olan metamfetamin aşkar olunub.
Həmçinin müəyyən edilib ki, saxlanılan şəxslərdən üçü yaşadığı evdə narkotik vasitə istifadəçiləri üçün tiryəkxana təşkil edib.
