Paytaxtın Yasamal rayonu “Qanlı göl” adlı yaşayış massivində quldurluq edən şəxslər saxlanılıb. Bu haqda bu gün, 29 noyabr tarixində Report Daxili İşlər Nazirliyinə istinadən məlumat yayıb.
Ucar rayon sakini A.Musayev, Yevlax rayon sakinləri A.Məmmədov, N.Rəhimli və Balakən rayon sakini S.Ovçiyev polis əməkdaşları tərəfindən tutulublar.
25 noyabr tarixində Bakı şəhər sakini X.Dadaşovun başından butulka ilə vuraraq onun pulunu, mobil telefonunu və ayaqqabılarını oğurlayıblar.
26 noyabr tarixində isə həmin ərazi yaxınlığındaki meşəlikdə onlar bir əcnəbi vətəndaşı döyərək 100 manat pulunu və 1500 manat dəyərində mobil telefonunu mənimsəmişdilər.
Saxlanılandan sonra şübhəli şəxslərin ətrafında aparılan arşadırma zamanı digər ərazidə 13 noyabr tarixində Abşeron rayon sakini S.Xanlarovu və Bakı şəhər sakini A.Əzimovu döyərək onlardan pul, gümüş boyunbağı, saat, mobil telefon, qulaqcıq və eynək oğurlamaları da aşkarlanıb.
