Bakıda külli miqdarda narkotik satan şəxs həbs olunub. Bu haqda 10 mart tarixində APA məlumat verib.
Yasamal rayonunda martın 8-də narkokuryer saxlanılıb. Onun üzərində çəkisi 98,505 qram olan heroin aşkar olunub. Evinə baxış zamanı isə 2170,06 qram heroin və 325 qram psixotrop maddə metamfetamin tapılıb.
Martın 10-da Yasamal Rayon Məhkəməsində saxlanılan şəxs Cinayət Məcəlləsinin 234.4.3-cü maddəsi ilə təqsirləndirilib və onun barəsində 4 ay müddətinə həbs qətimkan tədbiri seçilib.
