Yasamal rayonunda söyüd ağacının kəsilməsi sakinləri məyus edib. Bu haqda 10 yanvar tarixində Bakuplus.az Atv-yə istinadən xəbər verir.
Dadaş Bünyadzadə 7 ünvanındaki, yaşı 30-dan çox olan söyüd ağacı kəsilib. Ərazidə piyadalar üçün səki salınıb, ağac isə yolun hərəkət hissəsində qalıb. Sakinlər deyir ki, iri gövdəli söyüd ağacı, gözəl görünüşü bir yana, qızmar yay günlərində ətrafa kölgə də salırdı.
Sakinlərin sözlərinə görə, ağac qurumağa doğru gedirdi və yavaş-yavaş ərazidəki avtomobillər və piyadalar üçün təhlükə mənbəyinə çevrilirdi. Ağacın qurumasına səbəb isə dibinin vaxtı ilə asfaltlanması olub.
Yaşıllaşdırma Təsərrüfatı Birliyindən verilən məlumata əsasən, söyüd ağacının kəsilməsini bir qrup vətəndaş istəyib. Ekologiya Nazirliyin rəyi əsasında kəsim şöbəsi həmin ərazidə olub və quru ağac kəsilib.
