Paytaxtın Yasamal rayonunda bu gün, 8 yanvar tarixində motosiklet iştirakı ilə iki qəza hadisəsi qeydə alınıb. Bu haqda Report məlumat verir.
Belə ki, Hüseyn Cavid prospektində baş verən yol-nəqliyyat hadisəsində 37 yaşlı Zahir Rzayev motosikleti idarə edərək avtomobilə çırpılıb. Rzayev təcili tibbi yardımının köməkliyi ilə xəstəxanaya çatdırılıb, ona sağ aşıq baldırın əzilməsi diaqnozu qoyulub.
Daha bir hadisə həmin rayonun ərazisində baş verib. 47 yaşlı Hüseyn Mirzəyev motosikleti yol kənarındakı maneəyə çırpıb. Hadisə yerinə təcili tibbi yardım cəlb olunub. Yaralı sol bazu sümüyünün sınığı ilə xəstəxanaya aparılıb.
Hər iki faktla bağlı araşdırma aparılır.
