Səbail rayonu, Yeni Salyan yolu-20 ünvanında işıqfor təmir olunur. Bu haqda bu gün, 16 avqust tarixində Bakuplus.az Nəqliyyatı İntellektual İdarəetmə Mərkəzinə istinadən xəbər verir.
Bildirilir ki, jurnalistlər üçün inşa edilmiş binaların yaxınlığında yerləşən işıqforda problemlər yaranırdı. Buna səbəb ona verilən elektrik mənbəyi ilə bağlıdır.
Belə ki, bir neçə ilə əvvəl binada yaşayan sakinlərin müraciəti əsasında yola işıqfor qoyulub. Həmin vaxt ərazidə mövcud infrastruktur olmadığından svetofora binanın ümumi elektrik xəttindən enerji verilib. Hazırda binanın həyətində olan işıqlanma sistemində qısaqapanmaların olması ümumi elektrik mənbəyi xəttinə təsir göstərir və bu səbəbdən yolda olan svetoforun işində problem yaranır.
Bununla bağlı hazırda alternativolaraq elektrik xəttinin çəkilməsi üçün zəruri addımlar atılır.
