Bakıda baş vermiş yol-nəqliyyat hadisəsində xəsarət alan şəxsin ayağı amputasiya edilib. Bu haqda BakuPlus.az APA-ya istinadən bu gün, 14 aprel tarixində xəbər verir.
Paytaxtın Sabunçu rayonu, Ziya Bünyadov prospektində yolu piyadalar üçün müəyyən edilməmiş hissədən keçərkən avtomobil vurması nəticəsində ağır xəsarət alan şəxsi elə hadisəni törədən sürücü xəstəxanaya çatdırıb.
Ona sağ baldır sümüyünün açıq sınığı diaqnozu qoyulub.
Həkimlərin verdiyi məlumata görə, yaralının ayağı amputasiya edilib.
Faktla bağlı araşdırma aparılır.
