Paytaxt ərazisində özünü ali rütbəli təqdim edərək dələduzluqla məşğul olan şəxs saxlanılıb. Bu haqda bu gün, 20 iyul tarixində Bakuplus.az Daxili İşlər Nazirliyinə (DİN) istinadən xəbər verir.
Polis əməkdaşlarının keçirdikləri tədbirlər nəticəsində əvvəllər məhkum olunmuş paytaxt sakini, özünü general-mayor kimi təqdim edərək insanların pul vəsaitlərini ələ keçirmiş Elvin Babazadə saxlanılıb.
Bu ilin aprel və may aylarında E.Babazadə vətəndaşlara müxtəlif vədlər verərək, onların ümumilikdə 61.700 manatını dələduzluq yolu ilə talayıb.
Faktla bağlı E.Babazadə barəsində Cinayət Məcəlləsinin dələduzluq maddəsi ilə cinayət işi başlanılıb, məhkəmə qərarı ilə barəsində həbs qətimkan tədbiri seçilib.
Hazırda əməliyyat-istintaq tədbirləri davam etdirilir.
Onun əməllərindən zərər çəkmiş başqa vətəndaşlar DİN-in 102 Zəng Mərkəzinə və sosial şəbəkələrdəki səhifələrinə müraciət edə bilərlər.
