Bakının Nərimanov rayonu, Ziya Bünyadov prospektində əl qumbarası aşkarlanıb. Bu haqda bu gün, 17 avqust tarixində Bakuplus.az Report-a istinadən xəbər verir.
Ədliyyə Nazirliyinin Penitensiar xidmətinin əməliyyat aparatının Daxili İşlər Nazirliyinin əməkdaşları ilə birgə əməliyyat-axtarış tədbiri keçiriblər. Nəticədə Nurlan Rizayeva məxsus 1 ədəd “M-75” markalı əl qumbarası, 1 ədəd partladıcı, 18 ədəd 7,62 mm avtomat gülləsi, 1 ədəd avtomat darağı Ziya Bünyadov prospektində körpünün altında aşkar edilərək götürülüb.
Əl qumbarası Fövqəladə Hallar Nazirliyinin (FHN) əməkdaşları tərəfindən zərərsizləşdirilib.
Faktla bağlı araşdırma aparılır.
