Bakıda növbəti Animasiya Festivalı keçiriləcək. Bu haqda bu gün, 23 avqust tarixində Bakuplus.az Azərbaycan Animasiya Assosiasiyasına istinadən xəbər verir.
Festival 6-9 sentyabr tarixlərində Nizami Kino Mərkəzində baş tutacaq. Qiymətlər 5-15 AZN arası dəyişir. Biletləri Tripsome.az saytından almaq mümkündür.
ANİMAFİLM festivalı 2018-ci ildən etibarən hər il təşkil olunan bir platformadır. Festival uşaq və gəncləri, animasiya rejissorlarını və studiyaları bir araya gətirərək onları beynəlxalq təcrübə ilə tanış edir, peşəkar yerli və xarici animasiya ustaları ilə onları görüşdürüb, yüzlərlə animasiya filmləri nümayiş etdirir, ustad dərsləri, konfranslar, konsertlər, tamaşalar və sərgilər keçirir.
