Musiqili Teatrda “Leyli və Məcnun”un motivləri əsasında tamaşanın məşqlərinə başlanılıb. Bu haqda APA 29 yanvar tarixində xəbər verib.
Azərbaycan Dövlət Akademik Musiqili Teatrında bəstəkar Ü.Hacıbəylinin “Leyli və Məcnun” muğam operasının motivləri əsasında librettosu və quruluşu rejissor Samir Qulamova məxsus olan eyniadlı tamaşanın məşqlərinə başlanılıb.
Leyli obrazını VII Muğam Televiziya Müsabiqəsinin qalibi İlahə Rüstəmova, Məcnun obrazını isə respublika və beynəlxalq muğam müsabiqələrinin laureatı Orxan Hüseynli canlandıracaq.
Həmçinin tamaşada Əməkdar artistlər Nadir Xasiyev, Fərid Əliyev aktyorlar - Əmrah Dadaşov, Səmədzadə Xasıyev, Bacıxanım Sadıqova, İbrahim Əlizadə, Emin Zeynallı, balet artisti İranə Kərimova, eləcə də teatrın xor və balet heyəti iştirak edəcək.
