Azərbaycan Dövlət Kukla Teatrında 13-17 iyun 2023-cü il tarixlərində “Kukla Teatrları Həftəsi” təşkil olunacaq. Bu haqda bu gün, 9 iyun tarixində Bakuplus.az məlumat verir.
Tədbir ümummilli lider Heydər Əliyevin anadan olmasının 100 illiyi çərcivəsində, Azərbaycan peşəkar milli teatrının 150 illiyi ilə əlaqədar həyata keçirilir.
Bakı ilə yanaşı, Naxçıvan, Gəncə, Salyan və Qax Dövlət Kukla teatrları repertuarlarındakı fərqli səhnə işlərini təqdim edəcəklər.
Tamaşalar 13 iyun tarixində dəvətnamə ilə, 14-17 iyun tarixlərində saat 12:00-da isə ödənişsiz nümayiş olunacaq.
