Çinin məşhur qəzeti Bakıdakı Miniatür Kitab Muzeyi haqqında məqalə yazıb. Bu haqda BakuPlus.az bu gün, 16 mart tarixində xəbər verir.
Məqalədə Azərbaycanın, Avropaya səfər edən turistlər üçün gözəl seçimlərdən biri olduğu qeyd olunur. Bundan əlavə, məqalədə Bakının dünyada ilk Miniatür Kitab Muzeyinə ev sahibliyi etdiyi də vurğulanıb.
Bakının turistlər üçün maraq kəsb edən yerlərindən biri kimi 2002-ci ildə kolleksiyaçı Zərifə Salahovanın İçərişəhərdə yaratdığı muzeyin kitab fondunda təxminən 7 min miniatür nəşr var.
Çap versiyası və rəqəmsal platformalar üzrə 350 milyondan çox oxucusu olan nüfuzlu “China Daily” qəzeti təkcə Çində deyil, eləcə də dünyada ingilis dilində nəşr edilən ən populyar qəzetlərdən biridir.
