Bu gün televiziya aparıcısı Tarix Əliyev 43 yaşını qeyd edir. Bu haqda 6 iyun tarixində Bakuplus.az məlumat verir.
Tarix Əliyev 6 iyun 1979-cu ildə Bakı şəhərində anadan olub. Orta təhsilini 146 nömrəli məktəbdə alıb. Prodüser kimi fəaliyyətini, ilk olaraq, müğənni, Azərbaycanın Xalq artisti Röya Ayxanla əməkdaşlıq edərək başlayıb.
2017-ci ildə Qazaxıstanın Aktau şəhərində Azərbaycanın baş konsulunun Azərbaycan və Qazaxıstan dövlətlərarası diplomatik əlaqələr münasibətilə təşkil etdiyi konsertin təşkilatçısı olub və həmin konsertin təşkilinə görə fəxri diploma layiq görülüb.
Lider TV-də yayımlanan "Bu bizik, Toliklə" musiqili proqramının, 2018-ci ilin yanvar ayından isə Xəzər TV-də yayımlanan "Hər Şey Daxil" verilişinin layihə rəhbəri və aparıcısı olub. Daha sonra, 21 dekabr 2020-ci ildə Tarix Əliyev Dalğa TV-də "Günə bir şou" adlı proqramın aparıcısı kimi çalışıb.
2011 və 2014-ci illərdə xeyriyyəçilik fəaliyyətinə görə "Məlahətli Ana" mükafatına layiq görülüb. 2016-cı ildə Dağıstan Respublikasının "Əməkdar mədəniyyət işçisi" fəxri adını alıb.
