“ARTIM” Layihə Məkanında “Müqəssir zövqünü təsəvvür et” adlı ustad dərsi keçiriləcək. Bu haqda bu gün, 7 iyul tarixində Bakuplus.az quruma istinadən xəbər verir.
Hər birimizin özümüzə həzz verən “utancverici” fəaliyyətlərimiz və vərdişlərimiz var. Ustad dərsində bu cür həzzlərə ironiya və yumorla baxacağıq. İlk öncə tütor iştirakçılara yaradıcılıq təcrübəsindən bəhs edəcək, daha sonra onlara bədii potensiallarını kəşf etməyə yardımçı olacaq. Ustad dərsinin sonunda iştirakçılar aftafa yaratmağa çalışacaqlar və onu öz “müqəssir zövqlərinə” görə rəngləyəcəklər.
Ustad dərsini rəssam Ramina Boçarova keçəcək.
Tədbir 12 iyul saat 19:00-da baş tutacaq. Qeydiyyat üçün 050 251 41 17 nömrəsi ilə əlaqə saxlamaq olar. İştirak ödənişsizdir.
