Bakıda “Bir Peşənin Sirri” festivalı keçirilib. Bu haqda 2 iyul tarixində Report məlumat verib.
Festival İçərişəhərdə, Qoşa Qala meydanında keçirilib. Burada peşə təhsilinin ölkənin inkişafındakı strateji rolundan, gənclərin məşğulluğunun və peşə təhsilinə olan marağın artırılması istiqamətində görülən işlərdən məlumat verilib.
Festivala gələnlər peşə məktəblərinin tələbələrinin əl işlərindən ibarət sərgilər, ustad dərsləri və müxtəlif fəaliyyətləri izləyiblər. Həmçinin tədbir iştirakçıları üçün “WorldSkills Azerbaijan” platforması çərçivəsində əyləncəli oyunlar və viktorinalar keçirilib.
Peşə təhsil müəssisələri tərəfindən keçirilən yarışların qalibləri dəyərli hədiyyələrlə mükafatlandırılıblar.
[caption id="attachment_50877" align="alignnone" width="896"] Foto Report.az saytı[/caption]
