“İçərişəhər” metrostansiyasının qarşısında avtobus gözləyən Bakı sakinləri 65 nömrəli marşrutun yarım saatdan çox gecikməsindən şikayətçidirlər.
Bakuplus.az-a danışan şikayətçilər bildiriblər ki, bu cür havada 07:50-dən 08:25-ə qədər 65 nömrəli avtobusu gözləməli, soyuqdan donmalı, işə gecikməli olublar.
Onların dediyinə görə, iradlarını çox ciddi şəkildə sürücüyə bildiriblər, sürücü isə deyib ki, bu qədər gecikmənin səbəbi yollardakı tıxacdır.
Şikayətçilər isə bu iddianı ciddi hesab etmir, onlar bildirirlər ki, dayanacaqda gözləyərkən digər marşrutların normal işlədiyini görüblər, bu qədər gecikən isə yalnız “65” olub.
Kamran Rza
