Azərbaycanlı MMA döyüşçüsü Nəriman Abbasov Dana White's Contender Series (Deyna Uaytın İddiaçılar Seriyası) yarışında braziliyalı İsmael Bonfimə qarşı debüt döyüşünə çıxıb. Bu haqda bu gün, 7 sentyabr tarixində Bakuplus.az məlumat verir.
Döyüş bu gün səhər Las-Veqasda (ABŞ) baş tutub. Üç raunddan sonra (30-27, 30-27, 29-28) yekdil qərarla Nəriman məğlub olub.
Beləliklə, 28 qələbəsi olan Azərbaycan təmsilçisi dördüncü məğlubiyyətini alıb. Onun rəqibi üçün bu qələbə MMA-da 17-ci olub.
Cari ilin iyul ayında Nəriman Abbasovun UFC ilə müqavilə imzaladığı açıqlanıb. Müqavilə 5 döyüş üçün imzalanıb. Müqaviləyə əsasən, ilk döyüşün Dana White's Contender Series (Deyna Uaytın İddiaçılar Seriyası) yarışında keçirilməsi nəzərdə tutulurdu.
Məlum olub ki, UFC-yə düşmək üçün Nəriman bu döyüşdə qalib gəlməli idi, lakin məğlubiyyətdən sonra bu müqavilə ləğv edilir. Lakin Nərimanın ona müqavilə təklif ediləcəyi təqdirdə hələ də UFC-yə düşmək şansı var.
Döyüşü UFC rəhbəri Deyna Uayt izləyirdi.
