İyul ayı ərzində Kliniki Tibbi Mərkəzə zəhərlənmə ilə bağlı 880 nəfər müraciət edib. Bu haqda BakuPlus.az Kriminalqafqaz-a istinadən bu gün, 2 avqust tarixində xəbər verir.
Onlardan 158-i Toksikologiya şöbəsinə qəbul edilib, digərləri isə ilkin tibbi yardım göstərildikdən sonra evə buraxılıblar.
Qəbul olunan xəstələrdən 100-ü dərmandan, 22-si sirkə turşusundan, 4-ü qidadan, 7-si etil spirtindən zəhərlənib. Digərlərindən 1-i anafilaksiya səbəbindən, 7-si allergik reaksiya səbəbindən xəstəxanaya yerləşdirilib. Həmçinin onlardan 17-sini ilan sancıb.
Zəhərlənən şəxslərin 66-sı qadın, 72-si kişi, 20-si isə uşaq olub.
Həkimlərin səylərinə baxmayaraq, 5 nəfər dərman zəhərlənməsindən, 1 nəfər sirkə turşusundan, 1 nəfər isə alkoqollu içkidən dünyasını dəyişib.
Dünyasını dəyişən şəxslərdən 4-ü qadın, 3-ü kişidir.
