Bakıda 2 yaşlı körpə əməliyyat olunub. Bu haqda BakuPlus.az Report-a istinadən bu gün, 6 sentyabr tarixində xəbər verir.
Körpəni əməliyyat edən uşaq cərrahı Fuad Hüseynov bildirib ki, 2 yaşındakı qız bir il nəfəs borusunda sümük parçası ilə yaşayıb:
"Artıq çətinliklə nəfəs alırdı, xırıltı uzaqdan eşidilirdi. Körpənin 1 yaşı olanda balıq yediyini deyirlər və ondan sonra qızdırma öskürək, xırıltı başlayıb. Aparılan bütün müalicələrə baxmayaraq xırıltı, öskürək getdikcə artırdı və tez-tez temperaturu yüksəlirdi. Valideynləri körpənin vəziyyətinin getdikcə pisləşməsi ilə əlaqədar müraciət etdikləri klinikalarda qəbul edilmədikləri üçün bizim klinikaya müraciət etdilər. Ciddi risk daşısa da, körpənin rahat nəfəs alması üçün sümüyü nəfəs borusundan çıxarmaq məcburiyyətində idik. Bronxoskopiya işıqlı alətlə nəfəs borusuna girilərək çətinliklə olsa da, sol ana bronxdan sümüyü problemsiz çıxartdıq. Nəhayət ki, 1 ilin sonunda balaca qızımız rahat nəfəs almağa başladı".
[URIS id=68568]
