AQTA Bakıda tanınmış qida obyektlərini cərimələyib. Bu haqda 25 avqust tarixində Azərbaycan Respublikasının Qida Təhlükəsizliyi Agentliyi məlumat verib.
AQTA 15-19 avqust tarixlərində Bakıda yerləşən bir sıra qida obyektlərində planlı və plandankənar yoxlamalar aparıb.
Yoxlama zamanı nöqsan aşkar edilmiş qida obyektlərinin siyahısı:
- Suraxanı rayonu, Hövsan qəsəbəsi - quşların yetişdirilməsi və kəsimi məntəqəsi;
- Xətai rayonu, Babək pr., İ. Həbibov küçəsi - heyvan kəsimi və ət satışı mağazası;
- Xəzər rayonu, Buzovna qəsəbəsi - hisə verilmiş toyuq əti və ət məhsulları məntəqəsi;
- Binəqədi rayonu, Dərnəgül qəsəbəsi - “Avromak” MMC (kolbasa, makaron və un istehsalı);
- Nəsimi rayonu, Moskva prospekti - “Az.Halal Qida” MMC (çiy dönər istehsalı);
- Nizami rayonu - “Ulduz” şokolad fabriki;
- Yasamal rayonu, Şərifzadə və A. Abbasov küçələrinin kəsişməsi, ev 24 - unlu qənnadı məmulatlarının istehsalı sexi;
- Xəzər rayonu, Şüvəlan qəsəbəsi, Almaz İldırım küçəsi - “Şüvəlan-Şirniyyat” ASC (qənd istehsalı);
- Nizami rayonu, Keşlə qəsəbəsi, Köndələn eninə küçəsi 4, ev 1 - “Eqen-S Qrup” MMC (topdansatış anbarı);
- Yasamal rayonu, Şərifzadə küçəsi, ev 37a/182 - “Tural” restoranı;
- Səbail rayonu, Mərdanov qardaşları küçəsi - “Mado” restoranı;
- Xəzər rayonu, Qala qəsəbəsi, Xaşaxuna bağları - “Fontan” restoranı;
- Nizami rayonu, Məmmədəli Şərifli küçəsi - “Bosman Pub” kafesi.
Aşkar edilmiş nöqsanlarla bağlı qanunvericiliyin tələblərinə uyğun müvafiq tədbirlər görülüb, sahibkarlıq subyektlərinin rəhbərləri inzibati məsuliyyətə cəlb olunublar.
