Bayram günlərində paytaxtın bir neçə prospekt və küçələrində hərəkət məhdudlaşdırılacaq. Bu haqda bu gün, 29 aprel tarixində Bakuplus.az Avtomobil Yolları Dövlət Agentliyinə istinadən xəbər verir.
Təmir-bərpa işlərinin aparılacağı ərazilər aşağıdakı kimidir:
30 aprel saat 08:00-dan 01 may saat 20:00-dək :
- Azadlıq prospektinin İzzət Həmidov və Sahib Zeynalov küçələri arasında yerləşən hissəsində nəqliyyat vasitələrinin hərəkəti tam məhdudlaşdırılacaq.
- Nizami rayonu, Qara Qarayev prospektində (YAP-ın təşkilatının inzibati binasının önü) nəqliyyat vasitələrinin hərəkəti qismən məhdudlaşdırılacaq.
1 may saat 08:00-dan saat 20:00-dək:
- Heydər Əliyev prospektində Bağırov körpüsünün çıxış hissəsində (Koroğlu yol qovşağı istiqamətində) nəqliyyat vasitələrinin hərəkəti qismən məhdudlaşdırılacaq.
Sürücülərdən diqqətli olmaları və alternativ yollardan istifadə etmələri xahiş olunur.
