Bakının mərkəzində fahişəliklə məşğul olanlara himayədarlıq edənlər peyda olub.
Ajans.az xəbər verir ki, qadınları müəyyən müddətlik turistlərə satan bu şəxslər barədə turist-bloqer məlumat yayıb.
Hindistanlı turist-bloqerin Bakının mərkəzində çəkdiyi videoda vasitəçi şəxslərin qızları saatlıq, günlük qiymətə təklif etməsi açıq-aşkar görünür.
Acınacaqlı olan budur ki, qadın alveri Bakının mərkəzi küçəsində insanların ailə üzvləri ilə gəzib dincəldiyi bir məkanda - Nizami küçəsində (“Torqovaya”) baş verir.
Vasitəçilər həm də yaxında olan masaj salonunda bütün xidmətlərin göstəriləcəyini qeyd edirlər. Bu fakta əsaslanıb bildirmək olar ki, mərkəzi küçənin ətrafında olan masaj salonu adı altında fəaliyyət göstərən obyektlərin sahibləri turistləri bu vasitə ilə cəlb edir və videoda da deyildiyi kimi, seks, hamam, masaj və digər xidmətlər göstərirlər.
Azərbaycanı qarış-qarış gəzən turistin şəxsi “Youtube” kanalındakı “Azərbaycanlı tənha ana hindistanlıya evlilik təklif etdi”, “Azərbaycanlı qızlar hindistanlıları sevir”, “Azərbaycanda Bakı gecələri” və sair başlıqlı video çarxları da diqqət çəkir.
Hindistanlı turist-bloqerin Bakının mərkəzində çəkdiyi videonu təqdim edirik.
