Paytaxtın Səbail rayonu, Bayıl qəsəbəsi, Gülbala Əliyev küçəsində abadlıq işlərinə başlanılıb. Bu haqda bu gün, 18 iyul tarixində Bakuplus.az Fövqəladə Hallar Nazirliyinə istinadən xəbər verir.
SOCAR-ın "Azneft" İstehsalat Birliyinin Bibiheybət Neft Qazçıxarma İdarəsinin 3-cü mədən ərazisində keçirilən tədbir zamanı 90 hektar ərazidə kol-kos, qamışlıq və tullantılar təmizlənəcək, neft, qaz nəql edən borulara baxış keçiriləcək, eləcə də yaşayış evlərində abadlıq işləri aparılacaq.
Sözügedən məkan sənaye ərazisidir. Burada neftin qəbulu üçün 5 ədəd irihəcmli çən, 70 ədəd mancanaq dəzgahı və kiçikhəcmli çənlər, 150 quyu, 110 kV-lıq yarımstansiya, eləcə də orta təzyiqli qaz boru kəməri mövcuddur.
[caption id="attachment_53037" align="alignnone" width="800"]
Foto Fövqəladə Hallar Nazirliyinin rəsmi saytı[/caption]
