"Binəqədi Gənclər Evi"ndə 27 Sentyabr – Anım Gününə həsr olunmuş stolüstü tennis turniri keçirilib. Bu haqda BakuPlus.az bu gün, 22 sentyabr tarixində xəbər verir.
Yarış Bakı Şəhər Gənclər və İdman Baş İdarəsi, Binəqədi rayon Gənclər və İdman İdarəsi və "Binəqədi Gənclər Evi" sosial xidmət müəssisəsinin birgə təşkilatçılığı ilə baş tutub.
Nəticələrə əsasən, 1-ci yeri 276 saylı tam orta məktəbin komandası, 2-ci yeri 144 saylı tam orta məktəbin komandası, 3-cü yeri 83 saylı məktəb-liseyin komandası qazanıblar.
Mükafatlandırılma mərasimində Binəqədi rayon Gənclər və İdman İdarəsinin rəisi Namiq Tarverdiyev, Bakı Şəhər Gənclər və İdman Baş İdarəsinin Kütləvi Bədən Tərbiyəsi Sektorunun baş məsləhətçisi Cəlil Əlizadə və "Binəqədi Gənclər Evi" sosial xidmət müəssisəsinin direktoru Günel Həsənova iştirak ediblər.
