Azərbaycan Qida Təhlükəsizliyi Agentliyi Binəqədi rayonunda süd məhsulları istehsalı müəssisəsini bağlayıb. Bu haqda 18 fevral tarixində AQTA-nın rəsmi saytında məlumat verilib.
- Rəsulzadə qəsəbəsində fəaliyyət göstərən, fiziki şəxs Ramazanov Mehman Mahir oğluna məxsus süd məhsulları istehsalı müəssisəsində plandankənar yoxlama keçirilib. Reyd zamanı müəssisədə qida təhlükəsizliyi sahəsində normativ hüquqi aktlarının tələblərinin pozulduğu müəyyən olunub.
Aşkar olunmuş nöqsanlar:
- Sexdə xammalların qəbulu və işçilərin istehsala girişi eyni qapıdan həyata keçirilir
- Bütün istehsal prosesləri eyni sahədə aparılır
- Hazır məhsul anbarında bir sıra məhsulların üzərində markalanma aparılmayıb
- Məhsulların istifadəsi ilə bağlı etiket məlumatlarında qeydiyyat aparılmayıb
- Məhsullun istehsal prosesində resepturada göstərilməyən qida əlavələrindən istifadə olunur
- İstehsal tarixi göstərilməyən yumurtalar aşkar olunub
Aşkar edilmiş nöqsanlarla bağlı sahibkar inzibati məsuliyyətə cəlb olunub, müəssisənin fəaliyyəti məhdudlaşdırılıb.
[caption id="attachment_34102" align="alignnone" width="800"]
Foto Azərbaycan Qida Təhlükəsizliyi Agentliyinin rəsmi saytı[/caption]
