Elm və təhsil naziri ləğv olunan SABAH qrupları ilə bağlı açıqlama verib. Bu haqda bu gün, 1 iyun tarixində Bakuplus.az Report-a istinadən xəbər verir.
“Bakı Dövlət Universitetində (BDU) SABAH qrupları üzrə Hüquqşünaslıq ixtisasının ləğv olunması həmin ali təhsil müəssisəsində eyniadlı ixtisasın bağlanması demək deyil”, – deyə nazir jurnalistlərə açıqlamasında bildirib.
O qeyd edib ki, SABAH qrupları ənənəvi olaraq həmişə bir ali təhsil müəssisəsində tədris olunub və 1 ixtisas heç vaxt iki universitetdə tədris olunmayıb.
“Hesab edirəm ki, bu xəbər dünən lazım olduğundan artıq ajiotaj yaradıb”, – deyə nazir əlavə edib.
“Qarabağ Universitetində SABAH qrupları üzrə Hüquqşünaslıq ixtisasının tədris olunmasına gəlincə burada tələbələrə daha çox sosial güzəştlər verə bilirik. Bu səbəbdən SABAH qrupları üzrə hüquqşünaslıq ixtisasının Qarabağ Universitetində olması ilə əlçatanlığı təmin edə biləcəyik", – deyə E. Əmrullayev vurğulayıb.
