Paytaxtın Nərimanov rayonu, Fətəli xan Xoyski prospektinin yenidənqurma işləri tamamlanıb. Bu haqda bu gün, 12 sentyabr tarixində Bakuplus.az Avtomobil Yolları Dövlət Agentliyinə istinadən xəbər verir.
Prospektin Əhmədbəy Ağaoğlu küçəsindən Koroğlu Rəhimov küçəsinə qədər uzunluğu 740 m, sahəsi isə 21.000 kv.m olan hissəsində köhnə asfalt örtüyü qaşınaraq yenisi ilə əvəzlənib. Daha sonra əraziyə yol cizgiləri çəkilib, müvafiq nişanlar quraşdırılıb.
Prospektin digər hissələrində də təmir-bərpa işlərinin aparılması nəzərdə tutulub.
[caption id="attachment_69503" align="alignnone" width="640"]
Foto AAYDA-nın rəsmi saytı[/caption]
