“270 nömrəli tam orta məktəb “Azəristiliktəchizat" ASC tərəfindən mərkəzləşdirilmiş qaydada istiliklə təmin olunur. Hövsan qəsəbəsinin ümumi istilik sistemində qəza baş verdiyindən məktəbə istilik verilməsində qısamüddətli məhdudiyyət yaranıb”.
Bu barədə Bakupulus.az.az-a Bakı şəhəri üzrə Təhsil İdarəsindən bildirilib.
Qeyd edilib ki, məsələ tam nəzarətə götürülüb və qısa zamanda qarşıya çıxan problemin həlli üçün zəruri tədbirlər görülür: “Qeyd edək ki, təhsil müəssisələrinin istiliklə təmin olunmasının normal təşkili üçün davamlı monitorinqlər aparılır, hər hansı problem aşkarlandığı təqdirdə, səbəbi müəyyənləşdirilərək aradan qaldırılması üçün aidiyyəti qurumlarla birgə yaradılmış operativ işçi qruplar tərəfindən tədbirlər görülür”.
***
11:50
Hövsan qəsəbəsində yerləşən 270 saylı məktəbdə şagirdlər soyuqdan donur.
Bu barədə Bakuplus.az-a valideynlər məlumat veriblər.
Onlar bildiriblər ki, şagirdlər sinif otaqlarına gödəçkədə oturmaq məcburiyyətində qalırlar, bəzi uşaqların dodaqları soyuqdan göm-göy olur.
Valideynlər deyirlər ki, uşaqlar tez-tez xəstələnir deyə davamiyyət aşağı düşür. Bu zaman isə müəllimlər səs atıb valideynləri hədələyirlər ki, uşaqlar dərsə gəlməsə, nəticəsi ağır olacaq.
Valideynlərin şikayətini hələ ki nəzərə alan yoxdur.
Məsələ ilə Bakı şəhəri üzrə Təhsil İdarəsi sorğu ünvanlanıb.
Kamran Rza
