Paytaxtın Sabunçu rayonu, Kürdəxanı qəsəbəsində yerləşən qəbiristanlıq çirkab su içindədir. Bu haqda bu gün, 30 avqust tarixində Bakuplus.az ATV-yə istinadən xəbər verir.
Sakinlərin sözlərinə görə, yağışlı havada qəbiristanlığın ətrafında olan çirkab su daşaraq qəbirlərə ziyan vurur. Üfunət iyindən əraziyə yaxınlaşmaq mümkün deyil. Onlar əlavə edirlər ki, bu vəziyyət qəbiristanlığın yaxınlığında yaşayış evlərinin tikintisindən sonra yaranıb.
Məsələ ilə bağlı “Azərsu” ASC-dən bildirilib ki, Kürdəxanı qəbiristanlığının yanında kanalizasiya infrastrukturu qurulmayıb. Üstəlik sakinlər tərəfindən ətrafda olan gölün ərazisinə torpaq səpilərək qəbiristanlığın ərazisi genişləndirilib. Buna görə də belə hal yaranıb.
Həmçinin qeyd edilib ki, hazırda yaxınlıqdakı qəsəbələrdə təmizləyici kollektor inşa olunur. Həmin qurğuların tikintisi bitəndən sonra Kürdəxanı qəsəbəsində tullantı suları kənarlaşdırılacaq.
[caption id="attachment_66742" align="alignnone" width="800"]
Foto ATV-nin rəsmi Youtube kanalı[/caption]
