"Bakı Metropoliteni" QSC-nin Rusiyanın “Ventprom” maşınqayırma zavodundan aldığı 6 yeni ventilyator ölkəyə gətirilib. Bu haqda BakuPlus.az Bakı Metropoliteninin mətbuat xidmətinə istinadən bu gün, 3 sentyabr tarixində xəbər verir.
Bu ventilyatorlar keyfiyyətinə və texniki parametrlərinə görə dünyadakı analoqlarından üstündür.
Onlar daha səmərəli, iqtisadi cəhətdən münasib, texniki qulluq və təmir-təftiş baxımından çox rahatdır. Ventilyatorların istehsalçısı server qulluğunu digər əcnəbi istehsalçılarla müqayisədə bir neçə dəfə tez - iki həftə ərzində yerinə yetirir. Həmçinin server qulluğu daha sadə və asandır. Qurğular elektrik enerjisinə qənaət edir və idarəetmə şkafları tezlik çeviricilidir.
Qurğular stansiya və yaxın tunelləri havalandıracaq. Artıq “Əhmədli-Həzi Aslanov” mənzili və “Xətai” stansiyasının şaxtalarında köhnə ventilyatorlar sökülərək hissələrlə çıxarılır.
Bu proses tamamlandıqdan sonra yeni ventilyatorların quraşdırılması üçün müvafiq şaxtada normativlərə uyğun təmir işləri aparılacaq.
Son mərhələdə yeni ventilyatorlar və onun mərkəzləşmiş idarəetmə sistemləri quraşdırılacaq.
[caption id="attachment_68086" align="alignnone" width="1024"]
Foto Bakı Metropoliteninin rəsmi Facebook səhifəsi[/caption]
