Qaradağ rayonunda şəhidin adına küçənin açılışı olub. Bu haqda 27 avqust tarixində Bakuplus.az Qaradağ Rayon İcra Hakimiyyətinə istinadən xəbər verir.
Çeyildağ qəsəbəsində şəhid Şahin Qədirov adına küçənin açılış mərasimi baş tutub. Mərasimdə Qaradağ RİH aparatının vəzifəli şəxsləri və ictimaiyyət nümayəndələri iştirak ediblər. Açılış zamanı küçənin girişində ucaldılmış xatirə lövhəsinin qarşısına çələng və gül dəstələri qoyulub. Daha sonra şəhidin ailəsi ilə görüş keçirilib.
Müdafiə Nazirliyinin Xüsusi Təyinantlılarının giziri olan Şahin Bayram oğlu Qədirov 1990-cı il yanvar ayının 3-də Çeyildağ qəsəbəsində anadan olub. Ailəli idi. Bir oğlan övladı var.
Şahin Qədirov Vətən müharibəsi zamanı Füzulinin azadlığı uğrunda gedən döyüşlərdə iştirak edib və oktyabrın 6-da Füzuli döyüşləri zamanı şəhid olub. O, ölümündən sonra "Vətən uğrunda" ,"Cəbrayılın azad olunmasına görə", "Döyüşdə fərqləndiyinə görə" medalları və "Azərbaycan Bayrağı" ordeni ilə təltif olunub.
[caption id="attachment_66287" align="alignnone" width="800"]
Foto Qaradağ Rayon İcra Hakimiyyətinin rəsmi saytı[/caption]
