Paytaxtın Qaradağ və Xətai rayonlarında səyyar görüş keçirilib. Bu haqda bu gün, 27 avqust tarixində Bakuplus.az İcra Hakimiyyətlərinə istinadən xəbər verir.
Qaradağ rayonunun Çeyildağ qəsəbəsində sakinlərin şikayət və təklifləri dinlənilib. Qaldırılan məsələlərlə bağlı müvafiq qurumlara yerində tapşırıq verilib. Tədbirdə rayonun İcra başçısı, eləcə də hüquq-mühafizə orqanları, idarə, müəssisə və təşkilatlarının rəhbərləri iştirak ediblər.
Xətai rayonunda isə 56 saylı orta məktəbdə sakinlərlə görüş təşkil olunub. Tədbirdə rayon İcra Hakimiyyətinin başçısı, YAP Xətai rayon Təşkilatının sədri, hüquq-mühafizə orqanları və xidmət idarələrinin rəhbər işçiləri iştirak ediblər. Görüşdə sakinləri narahat edən məsələlər müzakirə olunub. Onların həlli üçün müvafiq tapşırıqlar verilib.
Bu kimi səyyar görüşlərin paytaxtın müxtəlif ərazilərində təşkil olunması davam edəcək.
[caption id="attachment_66218" align="alignnone" width="800"]
Foto Xətai Rayon İcra Hakimiyyətinin rəsmi saytı[/caption]
