9-10 iyul tarixlərində Bakı metrosunun iş rejimində dəyişikliklər ediləcək. Bu haqda BakuPlus.az "Bakı Metropoliteni" QSC-yə istinadən bu gün, 8 iyul tarixində xəbər verir.
İyulun 4-dən tətbiq edilmiş yay qrafikinə uyğun olaraq, iyulun 9-u və 10-da qatarların “Həzi Aslanov-28 May” sahəsi boyunca hərəkət intervalı saat 7:00-dan 21:00-a qədər 2 dəqiqə 30 saniyə təşkil edəcək. Qırmızı və Yaşıl xətlərin kəsişərək birləşdiyi “28 May” stansiyasından sonrakı sahələrdə interval, uyğun olaraq, 2 dəfə çox təşkil edəcək.
Bu günlər ərzində metropolitendə gücləndirilmiş iş rejimi tətbiq edilməklə işçilərin növbətçilik cədvəli tərtib olunacaq.
İyul ayının 11-12-si istirahət günləri hesab olunduğundan, qatarlar şənbə-bazar günlərinə uyğun hərəkət edəcək.
Hər iki gün “28 May-Həzi Aslanov” sahəsində qatarlar arasında interval 3 dəqiqə olacaq.
Ehtiyat qatarları nəzərdə tutulacaq və zərurət yaranarsa, xəttə buraxılacaq
