Şərq bazarında bu gün, 16 iyul tarixində II Atalar Festivalı keçirilib. Bu haqda İctimai TV reportaj təqdim edib.
Festival “Moms Azerbaijan” Qadın və Uşaq İnkişaf platformasının həmtəsisçisi və rəhbəri Aysel Hüseynova tərəfindən keçirilir.
Onun sözlərinə görə, festivalın məqsədi ataların valideynlik məsuliyyətlərini bərabər bölüşdürməsi, uşaqların inkişafında analara dəstək olmaq və ümumiyyətlə kişi-qadın bərabərliyini öz uşaqlarına daha kiçik yaşlardan aşılamaqdan ibarətdir.
Elmi tədqiqatlar göstərir ki, ata uşağın həyatında nə qədər çox və aktiv iştirak etsə, o zaman uşağın həm fiziki, həm də psixi sağlamlığı qaydasında olur, həmçinin emosional inkişafı daha yaxşı və gözəl keçir.
Festivalın ilk hissəsində müxtəlif spikerlər ataların rolunun əhəmiyyətini vurğulayıblar. Daha sonra atalarla uşaqların robototexnika yarışı və digər müxtəlif əyləncələr və oyunlar təşkil olunub.
