Sabiq baş nazir Pənah Hüseyn yaşadığı binada lift xidmətindən Bakı şəhər İcra Hakimiyyətinə şikayət edib.
Azpost.az xəbər verir ki, bu barədə P.Hüseyn paylaşımında bildirib.
"Bunu paylaşdığım anlarda yaşadığım mənzilimin olduğu binada (ünvan: Ə. Naxçıvani 27. Baş Prokurorluğun Korrupsiyaya qarşı mübarizə Baş İdarəsi ilə üzbəüz) müxtəlif girişlərdə eyni zamanda liftdə iki adam qalıb. Birinin ürəyi gedib. FHN əməkdaşları çağrışa gəlib onları xilas etməklə məşğuldurlar. Lift (və ya liftlərə xidmət işçilərindən) xəbər ətər yoxdur. Ümumiyyətlə bu xidmət varmı?"
P.Hüseyn qeyd edib ki, binada liftlərin yaşı yarım əsrə yaxınlaşır: "Elə vəziyyətdədirlər ki, ürək istəyir içinə girəsən. Allah uzaq eləsin, ancaq burda əvvəl axır bədbəxt hadisənin olacağı labüddür. Sakinlər danışır ki, güya bu liftləri kağız üzərində bir dəfə "dəyişiblər." Şünki bina üzdən eksperimental layihə əsasında üzlənib. Korrupsiya İdarəsi bəlkə küçənin bu biri səkisinə keçib yoxlasın?"
