Bakının Sabunçu rayonu, Yeni Ramana qəsəbəsində yerləşən yeni yaşayış kompleksində iki il əvvəl uşaq bağçası tikilərək tam təmir olunub və istifadəyə hazır vəziyyətə gətirilib. Lakin qeyri-müəyyən səbəbdən uşaqlar üçün bağçanın qapıları açıq deyil. Bu haqda bu gün, 29 avqust tarixində Bakuplus.az Xəzər Xəbərə istinadən məlumat verir.
Kompleksdə şəhid və qazi ailələri, eləcə də əhalinin sosial müdafiəsiz təbəqələrindən olan vətəndaşlar məskunlaşıblar. Onların sözlərinə görə, sakinlər binaya köçəndən bəri bağçanın açılmasını gözləyirlər. İndi isə valideynlər uşaqlarını şəhərdə olan bağçalara aparmağa məcbur qalıblar.
Uşaq bağçasının ərazisində əkilən bitkilərin baxımsızlıqdan quruması da sakinləri narahat edir.
Sosial Xidmətlər Agentliyindən bildirilib ki, sözügedən yaşayış kompleksinin Sabunçu Rayon İcra Hakimiyyətinin balansına verilməsi üçün sənədləşmə işləri yekunlaşmaq üzrədir. Yalnız bu sənədlər icra olunduqdan sonra kompleksdə bağçanın və digər infrastrukturların fəaliyyətini təşkil etmək mümkün olacaq.
[caption id="attachment_66387" align="alignnone" width="800"]
Foto Xəzər Xəbərin rəsmi Youtube kanalı[/caption]
