Sabunçu rayonu, Bakıxanov qəsəbəsi, Əli Kərim küçəsi, 46 və 48 ünvanlarında yerləşən binanın düz 75 yaşı var. Bina 1947-ci ildə o vaxt ərazidə işləyən neftçilər üçün inşa olunub. Mənzillərin hər birinin divarları çat verib, tavanı çöküb, döşəməsi isə hər keçən gün biraz da sürüşür. Bu haqda Real TV bu gün, 25 avqust tarixində reportaj təqdim edib.
Hazırda burada təxminən 20 ailə yaşayır. Müxtəlif vaxtlarda bina sakinlərin özləri tərəfindən az-çox təmir edilib. Amma bunun da heç bir faydası olmayıb.
Vətəndaşlar problemlə bağlı Sabunçu Rayon İcra Hakimiyyətinə (RİH) müraciət etsələr də, müsbət cavab almayıblar. Əksinə, onlara mənzil şəraiti məsələsini özlərinin həll etməsi təklif edilib.
Sabunçu RİH-nin rəsmisi isə bildirdi ki, rayon ərazisində qəzalı vəziyyətdə olan binaların siyahısı tutulub və aidiyyəti üzrə təqdim olunub. Əli Kərim küçəsi, 46 və 48 ünvanında yerləşən bu binanın növbəti illərdə sökülərək yenisi ilə əvəz olunması gözlənilir.
[caption id="attachment_65750" align="alignnone" width="800"]
Foto Real TV-nin rəsmi Youtube kanalı[/caption]
