Bakıda 14 fevralda - Sevgililər Günündə boşandığı arvadının evinə gedən kişi həbs olunub.
Qaynarinfo-nun məlumatına görə, 1980-ci il təvəllüdlü R.B. 14 fevral 2025-ci il tarixdə saat 18.00 radələrində keçmiş həyat yoldaşı A.S.-nın evinə gedib.
O, içkili vəziyyətdə olduğundan A.S.-nın bacısı oğlu ilə mübahisə edib. Daha sonra keçmiş həyat yoldaşı ilə aralarında mübahisə yaranıb və onun ünvanına ucadan nalayiq söyüşlər işlədib.
A.S. polisə şikayət edib. R.B. qaçmağa cəhd etsə də, polis tərəfindən saxlanılaraq barəsində İnzibati Xətalar Məcəlləsinin 510 və 535.1-ci maddəsi ilə protokol tərtib olunub və iş məhkəməyə göndərilib.
Məhkəmənin qərarı ilə R.B. 15 gün müddətinə həbs olunub.
