Abşeron Mərkəzi Xəstəxanasında növbə sistemi ilə bağlı narazılıqlar səngimək bilmir.
Bakuplus.az-a müraciət edən sakin iddia edir ki, xəstəxanada ciddi qarışıqlıq yaşanır. Onun sözlərinə görə, pasiyentlərə həkimlərin 5-ci otaqda olduğu bildirilsə də, sonradan onların 7-ci otaqda qəbul apardığı məlum olur və bu da əlavə sıxlıq yaradır.
Sakin həmçinin iddia edir ki, bəzi şəxslər tanışlıq vasitəsilə növbəsiz qəbul edilir. Nəticədə dəhlizlərdə izdiham yaranır və xəstə insanlar uzun müddət gözləməli olurlar.
Vətəndaş məsul şəxsləri növbə qaydalarına nəzarəti gücləndirməyə və bütün pasiyentlərə bərabər yanaşılmasını təmin etməyə çağırır.
