Bakı şəhəri, Yasamal rayonu, Zahid Xəlilov küçəsində yerləşən çoxmərtəbəli yaşayış binasında mənzildə partlayış baş verib.
Bakuplus.az xəbər verir ki, bununla bağlı FHN məlumat yayıb.
Bildirilib ki, dərhal əraziyə nazirliyin Dövlət Yanğından Mühafizə Xidmətinin qüvvələri cəlb olunub.
Hadisə yerində əməliyyat şəraitinin qiymətləndirilməsi zamanı on mərtəbəli yaşayış binasının sonuncu mərtəbəsində yanğınla müşayiət olunmayan partlayışın baş verdiyi müəyyən edilib.
Partlayış dalğasının təsirindən evə ziyan dəyib, bir nəfər xəsarət alıb.
FHN-in qüvvələri tərəfindən hadisə yerində müvafiq təhlükəsizlik tədbirləri həyata keçirilib.
Hadisə ilə əlaqədar aidiyyəti qurumlar tərəfindən araşdırma aparılır.
