Nərimanov rayon Məhkəməsində “Hasvet İnternational Animal Hospital”ının Yenisabah.az saytı və jurnalist Əsmətxanım Rzazadəyə qarşı məhkəmə iddiası üzrə qərar qəbul edilib.
Hakim Səbinə Nuriyevanın sədrliyi ilə keçirilən yekun iclasda hospitalın xəbər saytına qarşı qaldırdığı iddia təmin olunmayıb.
Qeyd edək ki, iddiaçı "Hasvet Baku" Məhdud Məsuliyyətli Cəmiyyəti saytı hospitalda pişiyin əməliyyat qiymətlərinin yüksək olması, eyni zamanda əvvəlcədən müştərilərə qiymət barədə heç bir məlumat verilməməsini tənqid etdiyinə görə, məhkəməyə verib. Klinika qarşı tərəfdən təkzib və 20.000 manat təzminat ödəməyi tələb edirdi.
