Paytaxtın Xəzər rayonu, Buzovna qəsəbəsində Müslüm Maqomayevin klipinin çəkildiyi qayalıqlar zibillik içindədir. Bu haqda bu gün, 13 avqust tarixində Bakuplus.az sosial şəbəkələrə istinadən xəbər verir.
Sahilboyu hasarların sökülməsinə baxmayaraq, qayalıqlar təmizlənməyib və görünüş heç də ürəkaçan deyil.
Bununla bağlı sosial şəbəkələrdə SSRİ Xalq artistinin 53 il əvvəl “Mavi əbədiyyat” (“Синяя вечность”) musiqisi üçün klipin çəkildiyi iddia olunan ərazinin şəkli yayılıb.
Xəzər rayon İcra Hakimiyyətinin sözlərinə görə, həmin ərazidə hələ də texnika işləyir və söküntü işləri davam edir. Paralel olaraq geridə qalan tullantılar da yığışdırılır.
