Qış parkındakı yeraltı piyada keçidini su basıb.
Bakuplus.az xəbər verir ki, bu barədə Bakı sakinləri məlumat yayıb.
Onların sözlərinə görə, bir neçə gün yağan qarın əriməsi ilə keçid bərbad vəziyyətə düşüb.
“Bura Qış parkının keçididir. O keçid ki, parkinqə düşür. O parkinq ki, bir il bundan qabaq parklanma qiymətləri 170% qaldırıldı və Azərbaycan Yerüstü Nəqliyyat Agentliyi də açıqlama verdi ki, əldə edilən gəlir parkinqin avadanlıqlarının - liftlərin, eskalatorların təmir işlərinə xərclənəcək. Amma bu müddət ərzində nəinki o işlər görülməyib, hətta yağış yağanda, 2 günlük qar əriyəndə keçidi su basır. Yağan qar belə pilləkənlərdən təmizlənmir”, - deyə şikayətçi bildirib.
