Bakıda 517 nömrəli avtobusun sürücüsü ilə sərnişin arasında mübahisə yaranıb.
Bu barədə Bakuplus.az-a sərnişinlər məlumat veriblər.
Sərnişinlər bildiriblər ki, mübahisə sürücünün marşrutun hərəkət istiqamətini dəyişmək cəhdindən sonra baş verib.
“Sürücü Xırdalan dairəsinə gəlib çatan zaman Masazır dairəsi istiqamətində getmək istəyənlərin burada düşməsini tələb etdi. Əslində isə marşrutun Masazır dairəsində dayanacağı var”, - deyə şikayətçi bildirib.
Sürücü sərnişinə geridə qalan yolu başqa avtobusla davam etməsini deyəndə isə tərəflər arasında gərginlik yaranıb.
“Sən mənim hüquqlarımı tapdalayırsan. Niyə məni yolda salmalısan? Mən mənzil başına çatmalıyam. Düşüb 15 dəqiqə də başqa marşrut gözləməliyəm?”, - deyə sərnişin etirazını bildirib.
Qeyd edək ki, Abşeron rayonu, Xırdalandan Masazır qəsəbəsi, “Yeni Bakı” yaşayış massivi istiqamətində və geriyə hərəkət edən 517 nömrəli marşrut xəttindən redaksiyamıza dəfələrlə şikayət daxil olub.
Sakinlər avtobuslar arasındakı intervalın həddindən artıq böyük olmasından və ən əsası - avtobus sürücülərinin marşrutun hərəkət istiqamətini dəyişməsindən, bir qayda olaraq Masazır dairəsindəki dayanacağa daxil olmamalarından şikayətçidir.
Məsələ ilə bağlı Azərbaycan Yerüstü Nəqliyyat Agentliyinə (AYNA) sorğu ünvanlanıb.
Sözügedən hadisəni əks etdirən videogörüntünü təqdim edirik:
