Yasamal rayonu ərazisində, köhnə qəbiristanlığın və “Badamdar Hotel”-in (keçmiş “Pullman” hoteli) yaxınlığında yerləşən, paytaxtın ən böyük su anbarlarından sayılan məşhur Qanlıgöl zibilliyə çevrilməyə davam edir. Bu haqda bu gün, 23 avqust tarixində Bakuplus.az məlumat verir.
Bəzi iş adamlarına məxsus yük avtomobilləri əraziyə zibil atmağa davam etsə də, burada təmizlik işləri aparılmır.
Bu əraziyə kimin cavabdeh olduğu dəqiq məlum deyil.
İzləyicimizin sözərinə görə, Yasamal Rayon İcra Hakimiyyəti və 22 saylı Mənzil-Kommunal Təsərrüfatı Birliyinə şikayətlər bildirilsə də, məsələyə baxılmır. Nəticədə 50 evin yerləşdiyi ərazi zibil poliqonuna çevrilib.
24.08. 11:07 - Yenilənib
Bu gün, 24 avqust tarixində Report-un məlumatına görə, Qanlıgöl ətrafında iməcilik işlərinə başlanılıb. Təmizlik işlərinə Yasamal Rayon İcra Hakimiyyətinin və Yasamal Mənzil Kommunal Təsərrüfat Birliyinin texnikası və əməkdaşları cəlb olunub.
[URIS id=63510]
